Vefstjóri skráði þann 15.06.2012 17:53
Í frétt á visir.is segir í dag:
Nýherji og dótturfélög hafa gert samstarfssamning við Sendil um miðlun rafrænna reikninga. Þannig gefst Nýherja og dótturfélögum kostur á því að senda og taka á móti reikningum á rafræni formi, en í því felst verulegur sparnaður og hagræðing.
Í tilkynningu segir Ingimar Bjarnason framkvæmdastjóri Applicon á Íslandi, dótturfélags Nýherja, mikilvægt að hagræða í rekstri með hagnýtingu rafrænna reikninga. Nýherji muni innleiða lausnir og þjónustu Sendils hjá sér og dótturfélögunum, Applicon og TM Software. Auk þess munu fyrirtækin bjóða viðskiptavinum sínum lausnir á sviði rafrænnar miðlunar í gegnum þjónustulag Sendils.
Miklu máli skiptir að lausn Sendils er þróuð fyrir evrópskan markað og nýtist því íslenskum fyrirtækjum sem starfa á alþjóða markaði.
Sendill.is sérhæfir sig í miðlun rafrænna reikninga og annarra viðskiptaskjala milli fyrirtækja og stofnana. Í dag geta allar opinberar stofnanir móttekið rafræna reikninga í gegnum Sendil.is, ýmis sveitafélög og fyrirtæki auk 70 þúsund fyrirtækja og stofnana í Danmörku og nú vaxandi fjölda fyrirtækja í Evrópu.