Vefstjóri skráði þann 11.06.2010 16:12
Í dag skrifuðu Maritech og DK hugbúnaður undir samstarfssamning við Unimaze á Íslandi ehf um endursölu á þjónustu Sendils. Jafnframt munu Maritech og DK hugbúnaður þjónusta sína viðskiptavini beint, en njóta þjónustu og ráðgjafar Unimaze við innleiðingu á ferlum í kringum rafræn viðskipti, m.a. um rafræna reikninga.
Maritech er söluaðili Microsoft Dynamics NAV á Íslandi og er í fararbroddi í upplýsingatækni með sérstaka áherslu á ráðgjöf, hugbúnaðargerð og innleiðingu hugbúnaðar ásamt öflugri og persónulegri þjónustu. Fyrirtækið var upphaflega stofnað árið 1995 og hefur þróast yfir í að vera stærsti söluaðili Microsoft Dynamics NAV á Íslandi.
dk hugbúnaður er framleiðandi dk viðskipta- og upplýsingakerfa. Fyrirtækið var stofnað í desember árið 1998. Í dag eru notendur dk hugbúnaðar orðnir á fjórða þúsund. Þeir eru úr flestum atvinnugreinum og fjölgar ört. dk hugbúnaður er nú leiðandi fyrirtæki á sviði viðskiptahugbúnaðar fyrir smærri og meðalstór fyrirtæki.